Dewê Bitikî yê Sîweregê Rihayî de dewijan rîyê huşkayî ra duayê varanî wendî. Dewijî qurbanî serebirnayî û pîya semede varayîşê varanî duayî wendî.
Riha de dewê Bitikî ke 35 kîlometreyî merkeza Sîweregî ra dûrî yo, dewijî şîy duayê varanî.
Cimatê dewijan ke mîyan de cinî û gedeyî zî bîy, pîya şîy cayê ke nameyê ci Gîrê Sehabeyî yo.
Tîya de pêrunan pîya seba varanî dua kerd û dima des mîyî qurban kerdî û goştê qurbanan ra werd viraşt û werd.
Dewij Sefer Sarîçîçek DHA rê qisey kerd û va ke bêvaranîye înan xemgîn kena û vat: "Ma sey dewijan û kesanê keyeyî pîya şîy duayê varanî. Ma qurbanî kerdî û ma seba varayîş dua kerd."