Wezîrê Weşîye yê Tirkîya Fahrettin Kocayî aşkere ekrd ke, Tirkîya de zî kesê ke bi virusê “Eris”î kewtê estê la çîyo ke merdim tira biterso çin o.
Wezîrê Weşîye Fahrettîn Kocayî derheqê Covid-19î beyanatêk da.
Kocayî va“Laboratûvarê ma yê referansî de cigêrayîş ameyo kerdiş. Ma ca kerdo ke new kesî bi varyantê Erisî kewtê. Beno ke no virus teberê welatî ra ameyo. Man ika semedê ci tedbîran gênê. No virus xeylê welatan de vila bîyo. Ihtimal estbi ke bireso Tirkîya zî. Ma do kalûpîranê xo, kesanê ke nêweşîyê înan ê kronîkî estê, bipawe.”
Pêroyê dinya de, 50 welatan de zaf kesî bi varyantê Erîsî yê Covid-19î kewtê. No virus tewr zaf welatanê Ewropa de vila bîyo.
Dîrektorê Pêroyî yê Teşkîlatê Weşîye yê Dinya (RTC) Tedros Adhanom Ghebreyesûsî semedê nê virusî vatbi “Verê zimistanî, humara kesê ke bi Covid-19î kewenê, pêroyê dinya de zêde benê. No zî tewirêkê Virusê Korona yo.”
