ZAZAKÎ NEWS - Serekê Amerîka Donald Trumpî, Odeya Çapemenîye ya Qesra Sipîye ya Washington DCyî de cewab da persanê rojnamegeran.
Kombîyayîşê çapemenîye de, averşîyayîşê peyênî yê Sûrîye û sîyasetê Amerîka yê vera hemkaranê xo ameyî ercnayîş. Trumpî îfadekerd ke têkilîya înan bi Kurdan reyde baş a û va, "Ma kenê ke Kurdan bipawê."
Rayberê Ofîsê Washingtonî yê Rûdawî Dîyar Kurde, hêrişê vera Kurdan ê Sûrîye ardî vîr û pers kerd: "Şima do çi bikerê ke heqanê Kurdan bipawê û hêzê înan ê bitesîrî yê vera terorîzmî yê Rojava bidomnê?"
"Ma zaf pere da Kurdan"
Cewabê persî de Trumpî mesajê pozîtîfî derheqê Kurdan de dayî. Trumpî va, "Ez Kurdan ra hes kena. Labelê ganî şima fam bikerê ke zaf, zaf pere dîyayo Kurdan, petrol û çîyê bînî ameyê dayîş."
