Mehmed Ölmez
Endezyar/ Mamostayê ziwanî
Verg û luye û keftar
Verg û luye û keftar
Bi zerrî û can û mal
Da yewbînan bext û soz
Bîyê wayîrê eynî doz
Keftar cîranê înan bî
Her hîrê zî cayêk’d bî
Luya pîs û hîlekar
Verg şawit hetê keftar
Vat:Vaje baxçe yê min o
Çîyê to tîya’d çin o.
Keftarî vat: Xalê Vergo
Dişmen ra dost nêbeno
Vergo serhuşk û nezan
Goş nêda ci şî eywan
Keftar û Vergî şer kerd
Sereyê Keftarî pan kerd
Luye pey ra da piro
Keftar zî kewt erdî ro
Verg û luye bî ortax
Baxçe kerd gul û bax
Baxçeyê înan zî no bî
Maden û zîv û zerrnên bî
Wina çend serrî vîyartî
Kulfetê vergî giran bî
Vergî luye ra nêdî rastî
Luye goşt werd, este da vergî
Vergî va: este mi rê tay o
Goşt bide mi hîna baş o
Texta Luye cor ra bî
Çimê aye ca de sûr bîyî
Vat: eke ti wina bikî
Sey keftarî şonî ti zî
Aye venda nobedaran
Luye û verg şî meydan
Verg dekerd mehkema
Dima vindert pê huya
Verê ke şêro pey beran
Goş da ci ser, ê bînan
O ewnîya derûdor ra
Wina vat ê bînan ra
Heta ke vergî nêbê yew
Talan benê yew bi yew.
