Welat ra

Xarpêt de cinîyêk ameye qetilkerdiş

Roja Têkoşînê Vera Şîdetê Serê Cinîyan de, qezaya Qowancilarî ya Xarpêtî de, cinîya ke dayîka 3 qijan bîye, hetê mêrdeyê xo ra ameye kiştiş.

Abone Ol

Roje, roja "Têkoşînê Vera Şîdetî" bîye, la Xarpêt ra xebera mergî ameye.

Hedîse, qezaya Qowancîlar de Taxa Baglarî de qewimîya. Goreyê melumatî, mabênê Sümeyye Y. (34) ya ke dayîka 3 qijan a û mêrdeyê aye E.Y. de meseleyêka keyeyî ser o minaqeşe vejîya.

Minaqeşe ra dima E.Y. çekê xo vet û 7 guleyî varnay cinîya xo ser. Cîrananê ke vengê çekî hesna, xeber da polîs û ekîbanê weşîye.

Ekîbê weşîye yê ke şîy cayê hedîseyî, tesbît kerd ke Sümeyye Y. uca de merda.

Cenazeya cinîye seba otopsî şawîya morxê Nêweşxaneyê Unîversîteya Firatî. Kiştox E.Y. ame destbendkerdiş û derheqê hedîseyî de cigêrayîş ame destpêkerdene.