Dewa Sersevanî ya Pîranî ya Amedî ke tede 80 keyeyî estî, 21 roj o bê elektrîk a.
Elektrîkê înan hetê DEDAŞî ra ameyo birnayîş û rîyê çînebîyayîşê elektrîkî ra awa dewe zî çin a.
Şarê dewe vano; "Şîrketê Vilakerdişê Ceyranî DEDAŞî 21 rojî verî trafoyê elektrîkê dewe cayê ci ra vet û berd."
Parlementera HEDEPî ya Amedî Adalet Kaya şîy a dewe û goş na dewijan ser û va: “Înan trafoyê dewe girewto berdo. Gedeyî estê, nêweşî estê.
Dewijî nêzanê ke înan çira trafo berdo. Ewta de ne ceyrano qeçax esto ne zî dewijî deyndar ê.”
Adalet Kaya waşt wa DEDAŞ derheqê na kerdêna xo de beyanatêk bido û ceyranê dewe verado.
