ZAZAKÎ NEWS –Amedspor û Sêwasspor, hewteyê hîrêyînî yê Lîga 1. ya TFFyî de Dîyarbekir de ameyî têver.
PFDKyî semedê hadîseyanê maçê Amedspor - Erzurumsporî qerar dabî ke Amedspor 2 maçan bêterefrdar kay bikero. Amedsporo ke hewteyo verên keyeyê xo de Erzurumsporî reyde pîya-pîya mend taximê Sêwasî kerd mêman.
Amedspor hema vaje pêroyê maçî de taximo serdest bi. Deqaya 32. de kaykerê ci yê neweyî Dia Sabayî gola yewine eşte û skor bi 1-0. Nîmeyo yewin bi skorê 1-0 qedîya.
Kaykerê Amedsporî Dia Sabayî deqaya 46. de gola xo û ya Amedsporî ya dîyîne eşte û taxima xo 2-0 aver vist. Dia Saba nêvinderitû deqaya 61. de hat-trick kerd û Amedspor bi 3-0 kewt ver.
Kaykerê Sêwassporî Bekir Turaç Bokeyî deqaya 71. de bi penaltî ferq ard war û skor bi 3-1.
Maç bi serkewtişê Amedsporî yê 4-2 qedîya.
Amedsporî bi nê netîceyî pûanê xo vetî 4 û vejîya rêza 9.
Amedspor hewteyo ke yeno, deplasman de do Adana Demirsporî reyde kay bikero.
