ZAZAKÎ NEWS– Golekê awdayîşî yo ke qezaya Kanîreşî ya Çolîgî de ca gêno, bi rindekîya xo sey cenetêk amêne vînayîş, semedo ke awa ci dîya Çolîg nika bîyo zuwa. Halo peyên ê gole ke verî bi rindekîya xo amêne zanayîş sey kartpostalan bi. Keyfê şarî pê amêne, tede hezaran gandarî cuyêne. La nika? nika zerrîya merdiman pê vêşeno.
Abîyayîşê qapaxan û vetişê awe, cuya maseyan zî qedîna. Bi pêsayîşê awe hezaran maseyî merdî û dorûver bi gemarin. Teyrê ke gole ra xo mird kerdêne zî uca ra bar kerdî. Semedo ke teyrî şîyî, balansê tebîî xirab bi û herême de hûmara mêsan, vizikan zêdîya û dorme hetê mêsan ra ameyo îstîlakerdiş.
Pawitişê golekan û cuya ekosîstem
No hadîse, newe ra ehemîyetê golekan û pawitişê tebîetî ano vîrî. Golekî tena depoyê awe nîyê; ê hetêk ra setargehê hezaran gandaran ê. Ê seba maseyan, teyr û tûran û heywananê bînan sey yew ekosîstemêk xizmet kenê. Pawitişê nê cayn, seba ke cîya-cîyayîya biyolojîke bêra pawitiş û balansê tebîî nêxeripyo, şert o. Wexto ke yew gole ziwa bena, tena awe vîndî nêbena; pêro yew ekosîstem û cuye yeno çinkerdiş. Ziwakerdişê Gola Qelê, no balans bi hawayêko eşkera xirab kerdo û netîceyê ey ê xirabî nika yenê vînayîş.
