ZAZAKÎ NEW - Paytextê Almanya Berlîn de, vera polîtîkayanê Serekkomarê Demkî yê Sûrîye Ahmed Şerî û vera Hukmatê Almanya ke paştî dano nê polîtîkayan, çalakîyêka protestoyî amey viraştiş.
Çalakîye hetê 30 rêxistinan ê ke mîyanê înan de cimatê Kurd û Elewîyan ê Almanya zî estbîy, amey organîzekerdene. Armancê çalakîye, protestokerdişê zîyaretê Ahmed Şerî yê Almanya yo.
Çira reaksîyonê vera Şara estê?
Herçiqas ke zîyaretê Şara semedê averşîyayîşanê sîyasîyan ê zereyê Sûrîye ameyo taloqkerdene zî, Serekê Cimatê Kurdan ê Almanya Alî Ertan Toprakî da zanayene ke ê do çalakîya xo bikerê. Toprakî vatbi ke pawîyêno 10 hezar kesî tewrê çalakîye bibê. Labelê polîsê Almanya eşkera kerd ke nezdîya 800 kesî beşdarê protestoyan bîyê.
Grûbanê ke çalakîye organîze kerda, lîderê verên ê HTŞyî Şara, bi "qetlîam, surgun û şîdetê sîstematîkî yê vera sîvîlanê Sûrîye" sûcdar kenê.
Protestokera waşt ke zîyaretê Şarayî yê Berlînî yo ke ameyo peyeştene bêro betalkerdene.
