Lajê nuştox û ziwannasê Kurd ê Agirî-Bazîdî Reşo Zilanî yo ke Swêd de ciwîyeno, rojnameger û aktîvîst Gürgin Bakırcıoğlu, weçînayîşanê 13ê êlule de, mîyanê Partîya Keske (Miljöpartiet) ra seba Parlamentoyê Swêdî ame weçînayîş.
Bakırcıoğlu yo ke serra 1984î de ameyo dinya, merasîmê parlamentoyî de kincê herêmî yê Kurdan “şal û şapik” day xora o û wina beşdar bi. Bakırcıoğlu pîya bi maya xo ame merasîm bînaya parlamentoyî de eleqe ant xo ser.
Gürgin Bakırcıoğlu kam o?
Bakırcıoğlu yo ke lajê Reşo Zilanî yo Swêd de warê rojnamegerîye de lîsanso berz kerde. Bakırcıoğlu TVya Swêdî SVT û radyoyê komelî de serranê dergan programî viraştî û pêşkêşkarî kerd, projeyanê televîzyonî yê sey Aldrig mer kebab, Gatsmart, Badsmart û Retorikmatchen de zî ca gîrewt.
