Wendox Ganî
Heyatê ma de û heyatê ma ra teber zî rewşê ke ma vanê raşt yan zî xelet est ê, labelê tîya de ez wazena wina yew çîke bipersî: goreyê çi ra ma bellî kenê yew çî raşt yan zî xelet o?
Dinya de çîyê ke resenê însan zî est ê û çîyê ke sade xoza de yê zî est ê.Ma goreyê çi ra Qerar danê ke yew çîke raşt yan zî xelet o.
Ez no pers hevalan xo ra zî persaya . Yew va ma bi wîjdan, yew va ma bi qerarê dînî ,yew va ma fitrat ra zanê ke çi raşt û çi xelet o ûsn. Yanî zaf çî yê cîya ameyê vatiş labelê herkes raştî û xeletî qebul kerd.yanî herkes senî beno wa bibo ,rastî û xeletî est ê ser o fikirîyeno. Ez wina yew çîk vana eke raştî her çî ra cîya est o , xoza de çi rê çin o, yew verg Demo ke yew mêşna weno gelo Yeno ey vîr No xelet yan raşt o. Adir kewtişê yew daristanî, goreyê çi ra raşt yan zî xelet o? Tayê mi ra wina va , eke te de kar est o yanî eke fayde est o ,raşt o , eke zerar zîyan est o ,xelet o.ez zî seba no cewap wina vana: eke hem zerar hem kar yew rewş de bibo, se Beno?
Mînak yew verg yew mêşna biwero verg rê kar ,mêşna rê zerar o ,o wext ez persena kiştê yew vergî ra werdişê yew Mêşna Beno xelet yan raşt?, goreyê fikrê ey hevalan hem raşt û hem xelet tîya de benê yew, labelê no yew xeta nîyo? Di çîyê ke eleyhdarî senî benê yew ,yew çî senî hem raşt hem xelet Beno? Yew qisim zî wina va dîn vajo raşt ,raşt o . Vajo xelet, ma zî vanê xelet o. Ez seba no cewap zî wina vana eke Homa Qerar dayo , o wext ma eşkenê vajê ne raşt ne zî xelet çin o?
Çunke Homayî rê ne xelet ne raşt est o , yanî Homa seba ma yew raşt û xelet bellî kerdo , o wext seba ke a rewşe xelet a ney ,seba ke homa wina vat ma zî wina vanê, yanî rastî û xeletî eslê xo de çin ê.wina nêyo? Ez rayna tîya de wina yew çîk vana temam ma rastî û xeletî Homayî ser o bellî kerd, temam.o wext yew çîyo ke dîn de çin o ra ma vanê se? Mînak kiştişê yew însanî dîn de est o ,labelê werdişê yew mêşna hetê vergî ra, dîn de çin o.ey wext ma vanê se ?
Hema zaf çî ser o ez eşkena şima rê cewaban bidî û bade zî verê cewaban de Persî xo bipawî.ez derg nêkena û ez şima ra rayna persena: ma goreyê çi ra zanê yan zî bellî kenê yew çî raşt yan zî xelet ?
