ZAZAKÎ NEWS - Qezaya trafîkî ya ke netîceyê pirodayîşê di wesayîtanê tîcarîyan ê sivikan de ameye meydan de, 11 kesî birîndar bîy. Qeza, rayîrê Çewlîg-Xarpêtî ser o viraza.
Qeza, mevkîya Çirra Yadoyî de amey meydan. Goreyê agahîyanê ke ameyî girewtene, wesayîtê tîcarî yê sivikî yê bi plakayanê 12 AJ 014 û 72 BC 936 piro day. Netîceyê qeza de 11 kesî birîndar bîy.
Bi xeberdayîşî ser o, herême rê ekîbê weşîye, polîsan û cendirmeyan ameyî şawitiş.
11 kesê ke qeza de birîndar bîy, dima ke mudaxeleyo verên cayê hediseyî de ame kerdene, bi ambûlansan wedarîyay Nêweşxaneyê Dewlete yê Çewlîgî.
