ZAZAKÎ NEWS - Qezaya Çolîgî Bongilan de, atolyeya tamîrkerdişê têlefonanê destî de batarya teqa. Demê teqayîşî de wayîrê dikanî bi terse xo eşt teber. Wayîrê dikanî birîndar bi
Hedîse, atolyeya tamîrê têlefonan de ame meydan. Wayîrê dikanî yo 34 serre, wexto ke têlefonê destî yê xirabeyî kontrol kerdêne, batarya adir girewt.
Heedîse, wextanê sibayî de bi ameyîşê yew muşterîyo ke waşto bataryaya xo virazo, dest pêkerd. Wayîrê dikanî, wexto ke waşto bataryaya têlefonî bibedilno teqayîş bi.
Wayîrê dikanî derheqê teqayîşî de va, "Siba yew muşterî ame, va 'bataryaya mi vîyarta'. Ma va ma bibedilne. Wexto ke mi bandê serê ey vetêne, hen dî ke adir girewt. Mi nêzanayêne ke do hende cîdî bibo," û îfade kerd ke wextê teqayîşî de tersêko pîl ciwîyayo.
Wayîrê dikanî, bade mudaxeleyo verênî, bi ambûlans aşawîya nêweşxane. Ame musayîş ke leşa ey de vêşayeyêko cîdî çin o û rewşa ey baş a.
