ZAZAKÎ NEWS - Dêrsim de, xorto ke seba ke xo honik bikero kewt Çemê Pilemerîye, xeniqîya û wefat kerd.
Hedîse, merkezê Dêrsimî de, mevkîya Parka Tebîetî ya Örenönüyî de, Çemê Pilemerîye de ame meydan.
Goreyê agahîyanê ke ameyî girewtene, Ali M. yo 22 serre seba ke xo honik bikero kewt awe.
Bado ke yew dem xortî ra xebere nêame girewtiş, herême rê ekîbê AFAD, UMKE, cendirme û weşîye ameyî şawitene.
Netîceyê xebatanê ekîban de, tirmê Ali M.yî ame vînayene.
Cenaza, seba ke otopsî bêro kerdene, wedarîya morgê Nêweşxaneyê Dewlete yê Dêrsimî.