Serewezîrê verên ê Herêma Kurdîstanî û serekkomarê verên ê Iraqî, sîyasetmedar û dîplomato Kurd Dr. Berhem Salih, mabênê 12 namzedan ra ame weçînayîş û wezîfeyê Komîserîya Berze ya Multecîyan a Miletê Yewbîyayeyan (KBMMY) girewt.
Badê ke Sekreterê Pêroyî yê Miletê Yewbîyayeyan (MY) Antonio Guterresî namzedan dir pêvînayîş kerd, ame eşkerakerdiş ke Dr. Berhem Ehmed Salih seba nê wezîfeyî ameyo weçînayîş.
Şêwirmendê Berhem Salihî Mîhemed Hewramîyî va, "Seba nê wezîfeyê MYî, Ewropa û Amerîka ra 12 şexsîyetê mîyanneteweyî reqabet de bîy." Hewramîyî da zanayîş ke dima ke namzedan bi Komîteya Berze ya MYî dir pêvînayîş viraşto, Dr. Berhem Salihî no wezîfe girewto û do serre newîye de dest bi wezîfeyê xo bikero.
Endamê Heyetê Rayberdişî yê Polîtburoya PDKyî Hoşyar Zêbarîyî, 30ê Oktobra 2025î de hesabê xo yê medyayê sosyale X ser o no mesaj pare kerdbî: "Dr. Berhem Ehmed Salih, bi paştîdayîşê ma yo tam, namzedê Iraq û Herêma Kurdîstanî yo seba wezîfeyê Komîserîya Berze ya Multecîyan a Miletê Yewbîyayeyan (KBMMY)."
