Şewa bîne Dîyarbekir de semedo ke paştî bidî Fîlîstînî û hêrişanê Îsraîlî protesto bikerê grûbêk eşt “Starbucks Coffee” ser.
Grûba ke bi vengdayîşê HÜDA-PARî vejîya kuçeyan, amey semtê Ceylanlarî û uca de pê sope, demir, sator û kerrayan xarê “Starbucks Coffee” kerd. Hêriş de pêro camî, sandalî, masayî û berê Cafe ameyî şikitiş.
Ame zanayîş ke, Cafeya ke rastê hêrişî ameya do 2 rojî qefilnaye bimana.
Na grûba hêrişkare çend rojîyo ke verê AVMya Ceylanlarî de stand akerda, milet ra semedê Fîlîstînî pere arêdana, Goreyo ke îdîa beno grûba Hüda-Parî, ayê ke nênê verê standî înan tacîz kena, tehdîd kena.
Na grûba hêrişkare, hema zî uca de ya, pê îznê Walîtî stand akerda û tersîyeno ke hêrişê şarî bikera, zirar bida esnafanê Dîyarbekirî.
