ZAZAKÎ NEWS - Deştanê Dîyarbekirî de hasadê genim û cewî dewam keno. Karkerî binê germîya vêşnayoxe de, bi tonan simer barê kamyonan kenê û simer reseno heywankaran.
Merkezanê muhîman ê zîretî yê welatî ra yew, Deşta Dîyarbekirî de, bi destpêkerdişê hasadî, simero ke bi patozan virazîyeno, seba heywankaranê xeylê şaristanan yeno şirawitiş. Simercîyê ke sûke ra yenê û serê sibayî rew ra dest bi xebate kene, hetanî saete 17:00, bi tonan simer pres kenê û barê kamyonan kenê.
Şofêrê kamyone Umît Alazî, derheqê zehmetîya karê xo de wina qisey kerd:
"Ma Deşta Dîyarbekirî ra simer bar kenê. Ma serê sibayî saete 05:00 de dest bi kar kenê. Barkerdişê her kamyone 3-4 saetan rameno. Hewa zaf germ o, zaf çetin o. Ma zafane şinê hetê Erziromî, Mintiqaya Rojhelatê Anatolîye. Nê kare ma 2-3 aşman dewam kenê.
Ma na germîye de bi zorî zehmetî ancenê. Ma şofêr ê, karkerî estê... Her kes seba pereyê nanê xo tîya de yo. Eke pereyê nanê keyeyî mebo, na germîye de karê ma çi yo tîya de?."
