Bajarê Erzînganî yê Vakurê Kurdîstanî de otomobîlêk rayîr ra vejîya û teqle eşt, na qeza de yew kes merd û 2 kesî zî birîndar bîyî.
Otomobîlo ke plakaya ey 34 AK 7184 bîye û şofêrê ey Mevlut G. yo 53 serre bi, rayîrê Erzîngan-Sêwazî ser o teqle eşt.
Bi agahdarîdayîşê kesanê derûdorî, cenderme, polîs, AFAD û tîmê weşîye ameyî şawitene cayê hedîse.
Şofêro birîndar û kesê bînî yê ke otomobîl de bîyî, Ahmet G. yo 61 serre û Efendî G. yo 49 serre, bi ambulansan ameyî berdene Nêweşxaneyê Dewlete yê Refahîye û Nêweşxaneyê Perwerde û Cigêrayîşî yê Mengucek Gazî yê Unîversîteya Bînalî Yildirimî yê Erzînganî.
Efendî G. yo ke Nêweşxaneyê Dewlete yê Refahîye de binê tedawî de bi, nêeşka bixelisîyo û weşîya xo vîndî kerde.
Ame vatene ke rewşa weşîye ya Mevlut G. û Ahmet G. giran a.
