ZAZAKÎ NEWS – Amedsporo ke ekîbanê îdîalîyan ê Lîga 1ine ra yew yo, en peynî futbolbaz Aytaç Kara dir pê kerdç. Semedê ey merasîmê Îmzakerdişî Otêla Hyatt Regency ya Ataköy a Îstanbulî de virazîya
Perde ser o mesajê Zazakî: "Şima Bixeyr Ameyî"
Merasîmê îmza de, perdeyo ke salon de bi, ey ser o bi hîrê ziwanan mesajê xêrameyîşî ame ramocnayîş. Zazakî zî “Şima Bixeyr Ameyî nusîya. Teberê Zazakî Kurmanckî de “Hûn bi xêr hatin” û bi Tirkî “Hoş geldiniz” nusîya. No detay, bi taybetî hetê terefdaranê ke Zazakî qisey kenê, ra zaf baş ame vînayîş.
Dima ke rexneyî virazîyay, na game amey eştiş
Amedspor, semedo ke parekerdişanê xo yê medya komelkî de ca nêdayêne Kurdkî, demo peyên de rexne girewtêne. Bi taybetî, yew parekerdişê rojanê vîyarteyan de ca dîya Tirkî, Îngilîzî û Kurmanckî, la ca nêdîya Zazakî. Na rewşe hetê zaf xebitnayoxanê medya sosyale de bib sebebê reaksîyonan. Ayra, merasîmê îmza de ca dayîşê îfadeyê Zazakî, sey yew gama pozîtîfe ame ercînayîş.
