ZAZAKÎ NEWS - Dêrsim de, pêrodayîşo bi çek û kardan o ke mabênê di koman de vejiyabi de 4 kesî birîndar bîyî.
Hedîse, şewa bîne merkezê Dêrsimî de, Taxa Mogultayî ya Kuçeyê Mekteban ser o ame meydan. Goreyê agahîyan, munaqeşeyo ke mîyanê di koman de dest pêkerd, demêko kilm de çerexîya ra pêrodayîşê bi çek û kardîyan. Pêrodayîş de 3 kesî bi çeke, yew keso ke waşto înan cêra bikero zî bi kardî birîndar bi.
Agahdarî ser o, ekîbê weşîye û polîsan herême rê ameyî şirawitene. Birîndarî, dima ke mudaxeleyo verên ci rê ame kerdene, bi ambûlansan neqlê Nêweşxaneyê Dewlete yê Dêrsimî bîyî.
Polîsanê ke cayê hedîseyî de cigêrayîş viraşt, tayê kesî destbend kerdî. Derheqê hedîseyî de cigêrayîş ame destpêkerdene.
