ZAZAKÎ NEWS - Wekîlê Partîya DEMî Omer Farûk Gergerlîogluyî Meclîs de qisey kerd û va ke o Kurdkî museno. Gergerlîogluyî va, "Erdanê ma ser de en tay 20 mîlyon Kurdî estê; ganî Tirkî zî Kurdkî bimusê."
Gergerlîogluyî va: “Qey îlla Kurdî Tirkî bimusê? Embazê erjayeyî, ganî Tirkî zî Kurdkî bimusê. Kurdî cîranê ma yê. Îtîraz mekerêne. Biewnê, tîya de zî cîranê şima Kurdî estê. Şima nêeşkenê cîranbîyayîşê înan ra bixelisîyê. Cîranê şima her ca de estê. Şima mecbûr ê ke bimusê.”
"Ez Kurdkî musena"
Gergerlîogluyî qiseykerdişê xo de da zanayîş ke o dest bi musayîşê Kurdkî kerdo û wina va: “Ez Kurdkî musena.’ Heya, sey Tirkêko ke ziwanê ci yê dayîke Tirkî yo, ez Kurdkî musena, şina kursê Kurdkî. Qey ez nêşêrî?”
"Cîranbîyayîşê bi Kurdan reyde rûmet o"
Gergerlîogluyî îfade kerd ke zemanêk e dewanê Kurdan de doktorî kerda û wina va: “Biewnê, mi dewanê Kurdan de sey doktor kar kerd. Mi qet xirabîya Kurdan nêdî, mi her tim rindîye dîye. Mi zî rindîye kerde. Cîranbîyayîşê Kurdan çîyêko xirab nîyo.”
