Ewro serê sibayî Goristanê Semtê Şehîtlîgî yê qezaya Yenîşehîrî ya Dîyarbekirî de şewa vejîya.
Rîyê şewatî ra darê mîyanê goristanî û malê seyarroşan zirar dî. Kilê adirî demêko klez peray nata weta û şewa bi sebebê tersêka pîle.
Şaro ke roja Erafatî semedê zîyaretkerdişê mezelanê xo amebi serê mezelan zî binê tesîrê dûyê şewatî de mend.
Çi heyf ke ekîbê îtfaîyeyî erey ameyê cayê şewatî û şarê dorûverî pê îmkananê xo şewa hewna kerd.
Şewat de seyarroşî ke semedê rotişê malê xo dezgeyê xo ronaybî, malê înan zafê ci vêşa.
