Hamasî, çarçeweya peymana pêkewtişê adirbesî û bedilnayîşê êsîran de, cayê teslîmkerdişî yê diyînî de 13 êsîrê Îsraîlîjî teslîmê heyetê Komîteya Mîyanneteweyî ya Xaçê Surî (ICRC) kerdî û bi no qayde heme êsîrê Îsraîlîjî yê ganeyî veradayî.
Goreyê xebera têlevîzyonê dewleta Îsraîlî KANî, Hamasî êsîrê Îsraîlîjî başûrê Şerîdê Gazze de, Xan Yûnis de, teslîmê heyetê Xaçê Surî kerdî.
Bi teslîmkerdişê 13 êsîranê Îsraîlîjan ê ke Hamasî teslîmê heyetê Xaçê Surî kerdî, Şerîdê Gazze de 20 êsîrê Îsraîlîjî yê ganeyî ameyî veradayîş.
Hamasî, saet 08:00î de 7 êsîrê Îsraîlîjî teslîmê ekîbanê Xaçê Surî kerdbî. Artêşa Îsraîlî zî eşkera kerdbi ke înan êsîrî Xaçê Surî ra girewtê û sînor ra vîyartê.
