Derheqê rojnamegeranê ke seba ke tewrê protestoyê vera qetilkerdişê di embazanê xo yê Rojawanî bîbî, muhakeme bîyêne de qerarê beraetî ame dayîş.
Mehkemeya Cezaya Girane ya 24. ya Îstanbulî de, roniştişo pancin ê dewaya ke derheqê Hayrî Tunç, Gulîstan Dursun, Pinar Gayip, Serpîl Unal, Can Papîla, Muhammet Enes Sezgîn û Osman Akinî de bi sûcdarîyanê “propagandaya rêxistine” û “tewrbîyayîşê kombîyayîş û rayraşîyayîşanê vera qanûnî yê bêçekan” amebî akerdene, virazîya.
Goreyê parekerdişê ke hesabê X'î yê bi nameyê “MLSA Dava Takip” ra ame kerdene, rojnamegerî tewrê roniştişî nêbîyî, la avûkatê înan amade bîyî. Heyetê mehkema, derheqê rojnamegeran de qerarê beraetî da.
