ZAZAKÎ NEWS- Cigêrayox û nuştox Kanî Xulam qezaya Dîyarbekirî Pasur ra yo û Amerîka de cuyeno. Ma eşkenê vajê ke uca de surgun o. La semedê welatê xo û heqanê Kurdan uca de û zaf cayanê dinya de sey aktîvîstêko Kurd xebatan keno.
Kanî Xulamî hesabê xo yê Facebookî ser derheqê serkewtişê Bill Gates û Steve Jobsî yew vîdeo vila kerd. Ma vîdeo û nuuşteyo ke ey pare kerdo şima dir senî ke ameyo nuştiş pare kenê.
Wexto merdim derheqê Bill Gates û Steve Jobsî de wenano, çiyêk beno zelal: qaidê des hezarî saetan! Yanî eger şima biwazê serê tebêka bibiroqye—fenê tîjî bibiroqyê—gera şima en tay des hezarî saatê xo bidê ê karî. Eno teorîyê Malcolm Gladwell’îyo. Raya serkewtişî nîşan dano!
Eger ti enê vatişê mi temaşe kena—Seyrê, wayê, selamî to rê!, ya telefonêkê şima yayk komputirêkê şima esto, qê wirdînanîke lazim o şima deyndarê Steve Jobs û Bill Gates’î bê!
Enê Amerîqayijî meşhûr ê. Merdim êşkeno vajo, îcadê cîn dinyê ma berda cayêko bîn—cayêko baş! Derheqê cîne de zaf amo nûştiş. Miraqê min esto— minîk ê nûşteyî wendê.
Wexto merdim waneno, tebêke beno zelal: qaidê des hezarî saetan! Yani eger şima biwazê serê çiyêka bibiroqyê, gere şima en tay des hezarî saetanê xo bidê ê karî.
Nûştoxo Kanadayij Malcolm Gladwell, kitabê xoyo, Outliers de, qalê ena qaîde keno. Heyatê Bill Gates û Steve Jobs’î nimûne dano.
Zaf merdimî vanê qê serkewtişî, “qabîlîyet û hedrekerdiş” lazim o. "Anû nîyo" vano Gladwell. Qê serkewtişî Hedrekerdiş hîna zaf muhîm o.
Qê îspat kerdişê teoriyê xo, qalê telebanê Akedemîya Muzîkî yê Berlînî keno. Badê joyî behsê John Lennonî keno. Û dima ra zî qalê Bill Gates û Steve Jobs’î keno.
Gava Bill Gates hîryes (13) serrî bîyo, saat 10’ê şewe de, wexto dadî û babê cê vanê o rakewto, o dizdîka, her şew, şiyo merkezê komputerî û heta saet 02:00yê serê sebayî qod nûşto.
Badê seran, wexto Bill Gates beno zengînê dinya, dadî cê vana: “ma tim meraq kerdê çîre serê seban ci rê weriştiş endêk zehmet bi!”
Ma duan bikerim: wa tûte mayke, zê Bill Gates’i qod binûse û dadî cîneyke, zê dadî Bill Gates’î, wa vajê, gelo çîrê weriştişê tûtanê ma endêk zehmet o!
Bi heskerdîş!
