Dîyarbekir de semedê gedeyanê 7-10-11 û 14 serrîyan kursê musnayîşê ziwanî dest pêkenê.
Komeleya Cigêrayîşî ya Ziwan û Kulturê Mezopotamya (MER-DER) do na rey semedê gedeyan xebatêka musnayîşê ziwanî bido dest pêkerdene.
Dersî do hem Kirmanckî (Zazakî) û hem zî Kurmanckî bêrê dayîş û gedeyê 7-10-11 û 14 serrî do bieşkê bi perwerde hem ziwanê xo bimusê hem zî zanayîşê xo aver berê.
Kesê ke Amed de yê eşkenê gedeyanê bierşawê.
Goreyê zanayîşê ke Zazakî Newsî girewto, perwerdeyê musnayîşê ziwanî ê gedeyan do hewte de 2 rojî 6 saete cayê MED-DERî yê Dîyarbekirî de bêrê dayene.
Goreyo ke ame zanayîş dersî do rî bi rî hetê mamosteyanê MED-DERî ra bêrê dayene.
Beyanatê MED-DERî ke keyepelê xo de pare kerdo de derheqê atolyeyan de wina malumat ameyo dayîş.
“Ma sey Komeleyê Cigêrayîşî yê Ziwan û Kulturanê Mezopotamyayî seba gedeyan atolyeyê musayîş û averberdişê kurdkî yê rî bi rî akenê.
- Dersê ma 17ê temmuze yê 2023î de dest pê kenê û heta 6 hewteyan dewam kenê.
- Seba serpirodayîşî nê formî dekerê
- Key ke komê ma awan bîyê rojê dersanê ma dîyar benê.
- Seba ke ma zanayîşanê derse bi hawayêko lez biresnê şima, ma ko seba heme polan komêka Whatsappî akerê
- Şima ke no form dekerd tira pey, teferruatê bînê ke dersan reyde eleqedar ê, seba înan ma ko şima reyde têkilî ronê.
- Zanayîşê ke nê formî de şima ra yenê waştiş, bi çi hawayî kesanê hîrêyinan reyde nêyenê parekerdiş.”
Semedê muracatî şima eşkenê nê lînkî ser ra muracat bikê
Seke yeno zanayîş, komeleya Cigêrayîşî ya Ziwan û Kulturê Mezopotamya (MER-DER) hewteyo verên zî aşkere kerdbi ke do dersanê musnayîşê Kurdî hem onlayn hem zî rîbirî bido.
CA : TAXA MEZOPOTAMYA KUÇEYÊ 348 HÛMRA BERÎ 14 VÎLAYÊ GAZÎLER / PEYAS / AMED
TLF : 0541 195 17 03
