ZAZAKÎ NEWS - Şaristananê Mêrdîn û Riha yê Vakurê Kurdîstanî de qedexeyê çalakîyan ame eşkerakerdiş. Her di bajaran de pêro çalaki û rayraşîyayîşî 5 rojî ameyî qedexekerdene.
Walîtîya Mêrdînî da zanayene ke roja Sêşemeyî ra heta peynîya roja Şemeyî (mabênê 27 û 31ê Çeleyê 2026î ), pêro çalakîyî ameyê qedexekerdene.
Ewro qezaya Mêrdînî Nisebîn de seba şermezarkerdişê hêrişanê vera Rojawanê Kurdîstanî, yew rayraşîyayîş do bimeyê kerdene.
Eşkerayîya Walîtîya Mêrdînî de ame îddîakerdene ke no qedexe bi bahaneya "pawitişê asayîşê pêroyî, vernîgirewtişê hedîseyanê şîdetî û temînkerdişê huzurî bajarî" ameyo îlankerdene.
Riha de zî qedexe esto
Dima Mêrdînî, Walîtîya Rihaye zî eşkerayîyêke weşanaye û da zanayene ke seranserê bajarî de qedexe ameyo ferzkerdene.
