Hunermendo Dêrsimij Mikaîl Aslan 21ê Adare de Newroza Amedî de vejîyeno sehne û deyîranê Kirmanckî (Zazakî) vano.

Mikaîl Aslanî hesabê xo yê Xî ser ra pare kerd û wîna va; "Amed Bêrê pêro pîya ebi renganê xo roca newîye bixemelnîme. Nika ra heyecan ez gureto, xêr bi weşîye resenîme jûbînî.Waxto ke ez Newroze de vecîna serê sehneyî Tawuze yêna mi vîrî. Roc ke vecîya Tawuzê xo çarnena roc, perranê xo kena ya, çiqa rengê xoyê rindekî est ê eskera kena. Sehne ra sarê ma kî zê perronê Tawuzê reng a reng û belekin aseno. Emser Newroze de hîrê cayan de programê mi est o. 17ê Adare: Estemol 20ê Adare: Gever 21ê Adare: Amed Bêrê pêro pîya ebi renganê xo roca newîye bixemelnîme. Nika ra heyecan ez gureto, xêr bi weşîye resenîme jûbînî."