ZAZAKÎ NEWS - Çalakgera Kurde ya Êzîdîye Nadîya Murad, bi rayedaranê berzan ê Miletê Yewbîyayeyan (MY) û Amerîka reyde pêvînayîşî kerdî. Muradê hayîdarî da ke têmîyankewtişê Rojava û Sûriye seba Şingal û herême tehluke yo.
Nadîya Murad, hesabê xo yê Facebookî ser o da zanayîş ke aye bi Balyozê Amerîka yê Miletê Yewbîyayeyan Mike Waltz û Sereka Komela Pêroyî ya Miletê Yewbîyayeyan Annalena Baerbock reyde kombîyayîşêk viraşto.
Babeta serekî ya qiseykerdişan, rewşa Rojawanê Kurdîstanî û hêrişê peyênî yê Artêşa Ereban a Sûriye yê ke vera herêmanê binê kontrolê HSDyî (HSD) bîy.
Tehlukeyê agêrayîşê DAÎŞî
Kêneka Kurde ya Êzîdîye waşt ke cimatê mîyanneteweyî, mesulîyetanê xo yê seba vernîgirewtişê sûcanê vera sîvîlan, bi taybetî vera cinî û gedeyan, bîyaro ca.
