ZAZAKÎ NEWS - Mudurê şîrketê cigêrayîşî Rawest ke merkezê ci Amed de yo Roj Girasunî, T24 rê qisey kerd. Girasunî persa "Çira Selahattîn Demîrtaş nêno veradayene?" ser o îşaretê Serekkomar Erdoganî kerd.
Girasunî va: “Eke Demîrtaş teber de nîyo, qerarê ney Erdoganî reyde eleqedar o. Madem ke huqûq nêxebitîyeno, no qerarê sîyasî Erdoganî de qedîyeno. Îtîrazê Erdoganî seba vetîşê Demîrtaşî esto, çunke verê cû travmaya 7ê Hezîrane esta. Ya diyîne zî, hema bawer nîyo ke proses do senî şêro. Heta ke zelal nêko ke proses do xirab bibo yan ney, nêwazeno gam bierzo. Yewna zî, Erdogan nêwazeno ke seba Demîrtaşî çîyêko xusûsî bivejo.”
Girasunî da zanayîş ke Ocalan zî do îtîrazê namzedîya Demîrtaşî nêko û va, “Demîrtaş aktoro ke destê Ocalanî zî xurt keno yo.”