Mehmet Ay
Nê nuşteyê xo de, ez do şima rê qala nêweşîye xirabeyîya musayîş bikera.Na nêweşî çi semed ra bena yanzî yew kesî de yena meydon belli nîyo la kismek zanyar vanî ke semedîk mezg ra eleqedar a ay semed ma eşkenî vacî ke nörolojîk a.La qetî ma eşkenî vacî ke na nêweşî eleqe ya û mezgî pera çînya.
Na nêweşî ra dîsleksî zi vanî û tayn kesan da musnayîş ,tayn kesan de nuşteyîş de xirabyayîş est ê.
Goreyê zanyaran ra na nêweşî 3 tewir a;
1-Dîsnemkînezî:No tewr de merdim herfan keno têmîyan ez mînak bi de se:Herfe "b" û herfe "d" yewna mînak herfe "m" û herfe "n" no tewr ser edaleyan ma de tesir keno.
2-Dîsfonezî: No tewr de merdîm nêeşken çekuyan vaco û çeku yan kemî yanzî bêmana vêcîyenî no tewr ser eşnawitiş ma de tesir keno.
3-Dîsedezî:No tewr de merdîm çeku vînen la nêşinasnen na çekuye uca ra verê dîya la nîna yî vêr no tewr zî ser vînayîş ma de tesîr keno.
Nê 3 tewr zî de gedetey û resayîyî de cîya ya.
Gedeyan da no tewr yena vînayîş:
* xirabeyîya qiseykerdişî yan zî lewî pêranayîş,
* çekuyan têymîyan kerdiş,
* çeku xo vîr ra kerdîş,
* reng û hûmarê xo vîr ra kerdîş usb.
Rasîyayî de no tewr yena vînayîş:
* bênîzam wendîş,
* fehm nêkerdîş,
* lez xovîrrakerdîş,
* wendîş û nûştîş de zehmetî.
Nê nîşanî yew kesî de bibî ma eşkenî vacî ke no merdîm nêweşîye xirabeyîya musayîş o.Tedawîye na nêweşî est a la zaf zahmet a.Verê yew pispor psîkolog vînî dima gere ma sebirdar bi eke doktor daru binus ma gere biger.
Weşîye de bimanê.
