ZAZAKÎ NEWS - Goreyê daneyanê TUİKî, serra 2015î ra heta 2025î, mîyanê des serran de Dêrsim zî tede 10 bajaran de nufus kêmî bîyo. Nufusê Dêrsimî 86 hezar ra kewto 85 hezarî.
Nufuso ke Tirkîya de îqamet keno, heta 31ê Kanûna 2025î goreyê serra verêne 427 hezar û 224 kesî zêde bi û resa 86 mîlyon û 92 hezar û 168 kesan. Labelê xeylê bajaran nufus kêmî kerd.
Dêrsim de nufus kêmî bi
Goreyê daneyan, nufusê Dêrsimî kêmî bîyo. Nufusê Dêrsimî yo ke serra 2015î de 86 hezar û 076 bi, serra 2025î de kewto 85 hezar û 083 kesî.
10 bajaranê ke tewr zaf nufus vîndî kerdî
Mabênê serranê 2015–2025î de bajarê ke nufusê înan tewr lez zêde bîyo, Yalova, Tekîrdag û Kocaeli; Antalya, Mugla û Kilîs o. Eynî dem de Agirî, Erdexan, Gumuşxane û Dêrsim zî tede, 10 bajaran de nufus kêmî bîyo.
Bajarê ke 10 serranê peyênan de nufusê înan kêmî bîyo nê yê:
1. Agirî: %-10,18
2. Erdexan: %-8,94
3. Gumuşxane: %-8,35
4. Qers: %-8,09
5. Mûş: %-4,80
6. Erzirom: %-3,34
7. Meletî: %-2,21
8. Zonguldak: %-1,80
9. Yozgat: %-1,49
10- Dêrsim: %-1,15
