DÎYARBEKIR – Edebîyatkar, Roşinvîr û Nuştoxê Kurdî, bi rayberîya Komela Edebîyatkaranê Kurdan, Tesîsanê Sosyalan ê Şaredarîya Bajarê Girdî yê Dîyarbekirî yê Fîskayayî de ameyî têhet. Komele, seba Yewîya Demokratîke û Yewîya Neteweyî ya Kurdan, edebîyatkar û nuştoxî yew programê arayî de ardî pêser.
Program de Hemsereka Komela Edebîyatkaran a Kurdan Herdem Merwanî derheqê prosesî û yewîya Edebîyatkaranê Kurdan ser o qiseykerdişêk kerd û va: “Hetanî nika zaf sazîyê ma estbîyî. La zaf vilabîyaye bî. La nika ma eşkenî nê prosesî de pîya zaf kar û xebatan bikerê.”
Dima ra Hemserekê PENa Kurd Omer Fîdanî qisey kerd û va: “Armancê nê kombîyayîşî no yo ke ma yewbînan ra hêz bigîrê û seba komelêko demokratîk û azad wezîfeyanê xo bîyarê ca.”
Temsîlkarê DÎSK Basin-Îşî Hakki Boltanî zî ard ziwan ke ewro bi vengdayîşê yew komele, çar Komelê ameyê pêser û va: “No zî hêz û qudretê kulturê Kurdkî ramojneno. Ma do seba sibarojî pîya bixebitîyê.”
Qiseykerdişan ra dima program atmêsferêko weş de qedîya.
