ZAZAKÎ NEWS - Goreyo ke ame zanayîş dewanê Şingring Cor, Heridan, Pirejman û herêma Koyê Gorsê de semedê operasyonanê eskerî 10 rojî şîyayîş û ameyîş qedexe bîyo.
Pîranê Amedî de, dewanê Şingring Cor, Heridan, Pirejman û herêma Koyê Gorsê de semedê operasyonanê askeran mabênê 21-30ê Gulane dekewtiş û vejîyayîş bi bahaneyê 'herêma emnîyetê xûsusî' qedexe ame îlankerdiş.
Walîtiya Amedî beyanat da û îfade kerd ke, şîyayîşê nê herêman do bi dayîşê destur bibo û va: 'Semedê temînkerdişê asayîş û emnîyetê netewî, pawitişê heq û azadiyan ' no qerar amo girewtiş.