Rojnameger Mehmet Şah Orûç badê şeş aşman zere ra vejîya. Mehmet Şah Orûçî pawitişê xo de va “Semedo ke ez rojnamegerêko kurd a, ez zere de ya.”
Rojnameger Mehmet Şah Orûç o ke 25ê Nîsane de erzîyabi hepisxane mehkemeya diyîne de tehlîye bi.
Serdozgeriya Komarî ya Amedî tehqîqatêk dabî dest pêkerdiş û Orûç bi bahaneyê “endamê rêxistine yo” amebi girewtiş.
Mehkemeya Orûçî Bedlîs de bî. O Amed ra bi Sîstemê Veng û Dîmenan (SEGBIS) beşdarê mehkema bi.
Keyeyê Orûçî, Hemserekê Komeleya Rojnamegeran a Dîcle û Firatî (DFG) Serdar Altan û rojnamegerî beşdarê mehkema bî.
Fırat Can Aslan zî tehlîye bîyo
Muxabîrê Ajansa Mezopotamya Firat Can Arslan o ke 25ê Temûze de bi bahaneyê “wezîfedarê dewlete hedef nîşan dayo” erzîyabi hepisxane zî serbest veradîyayo.
Arslanî mehkemeya xo ya peyêne de vat ;" Tîya de Rojnamegerî yena muhakemekerdiş. Prensîbê rojnamegerî estê. Rojnamegerî semedê girewtişê agahî û xeberanê komelî yena kerdiş. Gereke rojnamegerê her ca de neheqî û bêedaletî binusê. Cewherê xebata ma heqîqet o.
Badê heyeta dadgehî qerarê serbestveradayîş Arslanî.
