Hüseyin Aykol o ke demêk bi ke sekerat de bi dinyaya xo bedilna.
Hüseyin Aykol o ke Nêweşxaneyê Perwerde û Cigêrayîşî yê Sincanî yê Anqara de seba problemanê weşîye tedawî dîyêne, wefat kerd.
Ame musayîş ke Aykolî hîrê rey gonîşîyayîşê mezgî vîyarnayo û demêk o Unîteya Miqatbîyayîşê Giranî de bîyo. Aykol pa heme mudaxeleyanê doktoran nêxelisîya û şi heqîya xo ser.
51 serrî rojnamegerîye kerd
Hüseyin Aykol serra 1952 de qezaya Salihli ya Manisa de ame dinya û wendişê verênî memleketê xo de temam kerd.
Wendişê mîyanênî (orta) bi qezenckerdişê îmthnanê 'bêpere yatili' Kolejê Maarîfî yê Îzmîrî de qedîna. Badê cû perwerdeyê unîversîte Fakulteyê Tibbî yê Unîversîteya Anqara de da dest pêkerdene.
Dima ra şi Fakulteyê Zanistîyanê Sîyasîyan. Sinifa peyêne de seba xebatanê sîyasîyan ame tepiştiş.
10 serrî hepisxane de mend
Aykol, dawayanê ke badê Derbeyê Eskerî yê 12ê Êlule ameyî akerdene de ame muhakemekerdiş û nêzdîyê 10 serran hepisxane de mend. Semedê nê prosesî wendişê unîversîte temam nêkerd.
Aykolî zafê emrê xo hepisxaneyan û muhakemeyan de vîyarna, labelê çi rey fek xebatanê xo yê rojnamegerîye ra veranêda.
