Rayberê Pêroyî yê Kar û Barê Êzidiyan yê Wezaretê Ewqafê yê Herêma Kurdistanî da zanayîş ke ewro roja peyêne ya "Rojeyê Êzî" ya.
Rayberê Pêroyî yê Kar û Barê Êzidiyan yê Wezaretê Ewqaf û Karûbarê Dînî yê Herêma Kurdistani Siûd Misto derheqê wextê girewtişê rojeyî de da zanayîş ke Rojeyê Êzî serrane keweno nîmeyê aşma 12ine (Kanûne).
Mesajê Baba Şêxî
Baba Şêxî hêvî kerd ke no roşan xêr, aştîye û bereket xo reyde bîyaro û Homayî ra waşt ke no roje Kurdan rê asayîş, îstiqrar, yewitî û averşîyayîş bîyaro.
Ewro roşanê rojeyê Êzî yo
No roje her serre sêşeme, çarşeme û panşeme yeno girewtiş.
Dimayê hîrê rojanê rojeyî, roja îne zî sey Roşanê Êzî yeno pîrozkerdiş.
Rojeyê “Êzî” wezîfeyanê en muhîm û bimbarekan ê dînê Êzidiyan ra yew o.
No roje seba rêzgirewtişê "Siltan Êzî" (Nameyê Homayî yo pîl) yeno girewtiş.
Goreyê bawerîya Êzidiyan, no roje nîşanê nêzdîbîyayîşê bi Homa û pakkerdişê rûh û ganî yo.