ZAZAKÎ NEWS - Beledîyaya Gêlî ya Dîyarbekirî, seba ke warê pîknîkî pak bimano û tebîet bêro pawitiş, bi ziwananê Tirkî, Kurdkî (Zazakî-Kurmanckî) lewhayê îqazî ronayî.
Qeza Gêlî de, seba ke welatijî yew dormeyo weş û pak de wextê xo derbaz bikerê, xebatêka newîye ameye kerdiş.
Warê pîknîkî yê ke qeraxê Bendavê Dîcleyî de, Warê Pîknîkî yê Mehelaya Selmanî ke kenarê Çemê Dîcleyî de û Warê Pîknîkî yê Mehelaya Yatirî de, ekîban telîmatê Serekê Beledîya Gêlî Firat Seydaogluyî ser o, seba pakîya dormeyî û wayîrvejîyayîşê tebîetî bi 2 ziwanan lewhayê îqazî ronayî.
Bi na xebate hedef no yo ke tebîet bêro pawitiş, şuûrê dormeyî aver şêro ke welatijî bi rehetî wextêko weş derbaz bikerê.
Wezîfedaranê beledîye vatî ke: “Seba ke hemwelatijê ma wextêko weş derbaz bikerê, pawitişê rindekîyanê qezaya ma wezîfeyê ma pêroyan o. Dormeyê xo pak tepiştiş, mîraso tewr ercîyaye yo ke ma eşkenî neslanê neweyan rê neqil biker3e.”
Beledîyaya Gêlî eşkera kerd ke, bi paştîdayîşê welatijan do seba pawitişê xoza xebatê înan dewam bikerê
.