Nuştox û ziwanzanê kurd Mehmet Emîn Bozarslan 92 serrîya xo de 9ê sibate de Swêd de şi heqîya xo. Bozarslan bi serran seba ziwan û edebîyatê Kurdkî xebatê bêemsalî kerdê û ey 45 serrî sirgunî de cuya xo domna.
Keyeyê Mehmet Emîn Bozarslanî Keyeyê Tezîye yê Odabaşi Bal ê qezaya Rêzanî ya Amed de tezîye rona. Endam û rayberê partîyanê sîyasî, temsîlkarê sazgehanê sîvîl û xeylê kesî keyeyê tezîye zîyaret kerd û keyeyê ey rê serweşîye waşt û fatîhayî wendê. Tezîye do hîrê rojî dewam bikero.