Yewîya Federasyonanê Futbolî ya Mîyanneteweyî (FIFA), xelata tewr prestîjîne ya dinya ya futbolî ra yewe ya ‘Xelata Terefdaran ya FIFAyî’ (FIFA Fan Award) da terefdaranê Zaxoyî.
Terefdaranê Zaxoyî, yê ke Lîga Sitareyan ya Iraqî de bi paştîdayîşê xo yê vîzuelî û bi coşî bal antbî xo ser, netîceyê reydayîşî de bîyî yewinê dinya.
Serekê Kulûbê Sporî yê Zaxoyî Ammar Ferhadî da zanayîş ke ê bi FIFA reyde têkilî de bîyê la netîce seba înan zî surprîz bîyo û wina va:
"No hîs nêno tarîfkerdiş. Ma verê cû bi FIFA reyde qisey kerdbi û derheqê prosesî de qisey kerdbi, înan ma ra tayê malumatî girewtbî. Labelê ma nika, bi eşkerayîye musayî ke ma yewin ê."
"Ma na xelate dîyarîyê çar parçeyanê Kurdîstanî kenê"
Serekê Kulûbê Sporî yê Zaxoyî Ammar Ferhadî, îfade kerd ke no serkewtişêko muhîm û tena sembolê yew kulûbê sporî nîyo, sembolê yewîyêka hîra yo.
Ferhadî, no serkewtiş dîyarîyê "yewbîyayîşê çar parçeyanê Kurdîstanî" kerd û seba her kesê ke prosesê reydayîşî de paştî daya Zaxoyî û reyê xo şuxulnayê, sipas kerd.
