TÎHV, ÎHD û TTByî pîya derheqê serra 2022î de raporêk hadre kerd û aşkere kerd ke, serra 2022î de hepisxaneyan de 83 kesî bi hawayêko şikdar merdê û nezaretan de zî 4 hezar û 275 kesî raştê îşkence û muameleyo xirab ameyê.
Weqfa Heqanê Merdiman a Tirkîya (TÎHV), Komeleya Heqanê Merdiman (ÎHD) û Yewîya Tabîbanê Tirkan (TTB) bi wesîleya 26ê Hezîrane Roja Paştdayîşê Kesanê Ke Raştê Îşkenceyî Ameyê eşkerayîyêka wertaxe da.
TÎHV, ÎHD û TTByî aşkere kerd je 2022î de zîndanan de 83 mergê şikdarî qewimîyayê û nezaretan de zî 4 hezar û 275 kesî raştê îşkence û muameleya xirabe ameyê.
Goreyê TÎHVî 2022 de zîndanan de 65 tepişteyî, panc aşmanê verînan ê 2023î de zî 10 tepişteyî merdî. Goreyê ÎHDyî 83 tepişteyî 2022î de zîndanan de bi hawayêko şikdar merdê.''
