Artêşa Sûrîye û grûbê çekdarî hêrişê mehleyanê Kurdan ê Helebî kenê û rewşa merdimîye ya herême her ke şono xirabêr bena.
Wezîrê Karanê Teberî yê Îsraîlî Gideon Saarî, hesabê xo yê medyayê sosyale ser o derheqê babete de eşkerayîyêke da û hêrişê vera Kurdan şermezar kerd.
Saarî da zanayîş ke ê seba rewşa Helebî qerqilîyenê û wina va: "Hêrişê hêzanê rejîmê Sûrîye yê vera Kurdan nênê qebûlkerdiş."
"Deyndarê Kurdan ê"
Wezîrê Karanê Teberî ard vîr ke Kurdan vera DAÎŞî şerêko pîl kerdo û wina dewam kerd:
"Cimatê mîyanneteweyî bi pêroyî û Rojawan, seba Kurdanê ke bi cesaret û serkewtişî vera DAÎŞî şer kerd, deyndarê înan ê."
Kaynak: Zazakî News
