Baran Îreno Çewlîgij yo 26 serre, yo ke Maltepeyê Îstanbulî de binê otomobîlêkê ke bi qesdî ey ser o ramito de mend û merd, ewro Dîyarbekir de ame definkerdiş.
Hedîseya ke Maltepeyê Îstanbulî de qewimîya de, Baran Îrenî seba ke yew şofêrî pisîngêk kişt, hêrsê xo nîşan. Nê ser o, şofêrî otomobîla xo ramit ey ser.
Gumanbar Batuhan E., kar û baranê emnîyetî ra dima ame şawîya edlîye û mehkemeya ke vejîya vera ci, bi sûcê 'bi qesdî kiştişî' ame tepiştiş û şawîya hepisxane.
Cenazeyê Baran Îrenî ewro saetanê nîmerojî de ame Dîyarbekir. Dima ke Camîya Hz. Omerî de nimajê cenazeyê ey ame kerdiş, Goristanê Keyeyî yê Berê Merdînî de ame heqkerdiş.
Wextê definkerdişî de dadî û babîyê Îrenî xora şîy. Xeylê welatîyê ke ame cezane, seba Baran Îrenî yo ke emrêko ciwan de cuya xo vîndî kerde, vengdayîşê edaletî kerdî.
Keyeyî, hedîse ra dima eşkerayîyêka da û wina va: “Bêsebeb lajê ma qetil kerdî, wa edalet bêro ca” û waşt ke wa mesuldarî ceza tewr girane bigîrê.
Ame musayîş ke tazîye qezaya Sûrî de Keyeyê Tazîye yê Mistanijan de yena qebulkerdiş.
