Komela Ziwan Huner û Kulturî (ZIWAN-KOM) eşkera kerde ke do kombîyayîşa xo ya pêroyî ya awarte virazo. Kongre, roja panşeme, 30ê Teşrîna Verêne 2025î de, Weqfa Îsmaîl Beşîkçî ya Dîyarbekirî de do bêra viraştene.

Goreyê eşkerayîya ke hetê Heyetê Îdareyî yê ZIWAN-KOMî ra ame dayene, kombîyayîş do manênê saetanê 17:00 û 20:00î de virazîyo.

Rojdemê kongre wina yo:

  1. Weçînayîşê îdareyê neweyî

  2. Bedelnayîşê tuzuke (nîzamnameyî)

  3. Rojanekerdişê lîsteya endaman

  4. Pêşnîyazî derheqê fealîyetanê komele de

Heyetê Îdareyî, seba kongre veng da heme endam û heskoxanê komele û va: "Ma embazanê xo yê ke musaît ê, pawenê kongreya xo." Kongre do Weqfa Îsmaîl Beşîkçî ya ke nêzdîyê Camîya Selahedîn-î Eyyubî ya, de virazîyo.