Meheleya Firatî ya Amedî de cinîya bi nameyê N.E. ya ke qata 4ine ya bînayêka 7 qatî de ciwîyena, pitika xo ya 3 aşme pencere ra eşte war.
Xeberedayîş ser o, polîs û ekîbê weşîye şîyî cayê hedîseyî.
Kontrolê verênî yê ekîbanê weşîye de ame tesbîtkerdene ke pitike cayê hedîseyî de merda.
Ekîbanê weşîye cenazeya pitike seba otopsî berde Sazîya Tipê Edlî ya Amedî.
Ame îdîakerdene ke problemê psîkolojîkî yê dayîke N.E. estê.
Dayîke hetê polîsan ra ameye binçimgirewtene û derheqê hedîseyî de tehqîqat ame destpêkerdene.
