ZAZAKÎ NEWS - Çalakîya ke bi hemkarîya Mudirîya Polîtîkayanê Cinîyan ya Şaredarîya Peyasî û Mudirîya Xizmetanê Ciwanîye û Sporî amey viraştiş de, cinîyî ameyî têhet. Kombîyayîşê yogayî yo de, cinîyan hem firsendê sporkerdişî hem zî hetê zîhnî ra firsendê rehetbîyayîşî dî.
Çalakîya ke binê refaqetê pisporan de virazîya cinî hetê rehetbîyayîşê bedenî, teknîkê nefesgirewtişî yê raştî û dengekerdişê enerjiye ameyî perwerdekerdiş.
Cinîyê ke barê cuya rojane ra tay bo zî dûr kewtî, pê sporkerdişî boya xo verday.
"Ma do xurtkerdişê paştdayîşê cinîyan rê dewam bikê"
Badê çalakîye, eşkerayîya ke hetê Mudirîya Polîtîkayanê Cinîyan ra ameye kerdene de, bale ameye antene muhîmîya kombîyayîşanê winasîyan ser. Eşkerayîye de ame vatene ke, pê projeyanê sey nînan yê ke tede cinîyî hetê komelkî, fîzîkî û rûhî ra yenê destekkerdene, ê do qeza de xurtkerdişê paştdayîşê cinîyan rê bi qerardarîye dewam bikê.
Cinîyê beşdarî zî, seba ke warêko wina qey înan akerdo û no îmkan dayo înan, sipasîyê xo şawitî Şaredarîya Peyasî rê û waşt ke na tewir çalakîyî bi hawayêko nîzamkî dewam bikê.
