ZAZAKÎ NEWS - Hedîse, dewa Tanışikî ya girêdayîya qezaya Yenişehirî ya de ame meydan. Muhammet Umut Kızılkaya (10), seba honikbîyayîşî di embazanê xo reyde kewt çem.
Demêk dima embazanê ey fehm kerd ke Kızılkaya awe de şîyo û înan hedîse xeber da 112. Bi xabardayîşî dima ekîbê weşîye û ekîbê xelaskerdişî amey herêma qewimyayîşî.
Dewijan o awe ra vet
Muhammet Umut Kızılkaya hetê dewijan ra awe ra ame vetiş, ame tespîtkerdiş ke weşîya xo vîndî kerda.
Cenazeyê Kızılkayayî, seba muameleyanê otopsî wedarîya morgê Saziya Tîbê Edlî ya Dîyarbekirî.
Derheqê hedîse de tehqîqat ame destpêkerdiş.
