Hedîse qezaya Qisle ya Dêrsimî de bîye. Goreyê agahîyanê ke ameyî girewtiş, keyeyê memurê polîsî Gülbeddin P.yo ke nêzdîyê 4 serran o qeza de wezîfe kerdêne ra vengê sîlehî ame heşnayîş. Xeberdayîşî ser o polîs û ekîbê Weşîye yê Servîsê Acîlî yê 112yî ameyî cayê bîyayîşî. Ekîbê ke kewtî keye, polîso 33 serre bi çek oanaye û bi halêko giran dirbetin dî.
Bi helîkopterî wedarîya nêweşxane
Gülbeddin P.yo ke cayê serebûtî de mudaxeleyo verên ame kerdene, bi helîkopterî sewqê Nêweşxaneyê Dewlete yê Dêrsimî bi.
Seba zelalkerdişê sebebê serebûtî tehqîqat ame destpêkerdene û ame musayene ke îhtîmalê xokiştişî zî yeno ercnayene.
