Amed de semedê varayîşê vewre, perwerde 1 roj ame tatîlkerdiş. Walîtîya Amedî da zanayîş ke seba vewra ke zêde varena, mektebê resmî û xusûsîyî 1 roj tatîl ê.
Seba dezgehanê fermîyan ê dewlete zî ame vatiş ke xebatkarê (memurê) diganî û astengdarî do destûrin bêrê hesibnayiş.
Vewre do dewam bikero
Yeno texmînkerdiş ke heta saetanê şewe Amed de varayîşê vewre dewam bikero. Goreyê rewşe, eke îcab bivînîyo do tatîlê resmî bêro dergkerdiş.
Amed de xeylê cayan de semedê vewre rayîrî qefilîyay, qezayê trafîkî qewimîyay û otobusê rayîrwanan rayîr de mendî.
Hişyarîya trafîkî
Şaredarîya Bajarê Girdî ya Amedî zî veng da hemwelatîyan û hişyarî da ke "Heta mecbur nêmanê wa bi wesayîtanê xo nêvejê trafîk."
Kaynak: Zazakî News
