ZAZAKÎ NEWS - Hedîse, qezaya Sîvrîceyî, Gola Hazarî de qewimîya. Goreyê melumato ke ameyo girewtiş, Mehmet Ali A.yo 16 serre yo ke keyeyê xo reyde pîya Amed ra amebi qezaya Sîvrîceyî, seba honikbîyayîşî kewt awe. Gede, mîyanê awe de nişka ra vîndî bi.
Dima ke xebere ameye wesnayîş, ekîbê cendirme, AFAD, UMKE û polîsê binê awe yê Amîrîya Grûba Binê Awe ya Serekîya Asayîşê Bajarê Xarpêtî cayê hedîse rê ameyî sevwkerdiş. Ekîbê ke resayî cayê bîyayîşî, cayo ke gede tede vîndî bibi de, karê cigêrayîş û xelaskerdişî dest pêkerd. Xebata ekîban dewam kena.